Aðeins meira nöldur...

Síðan frostið fór er húsið að fyllast af flugum. Þær eru flögrandi í gluggunum og hópast í kringum ljósin og meirað segja á tölvuskjáinn núna. Ég get ekki sagt að ég sé voðalega hrifin af þeim. Ein flugan var svo frökk að troða sér inná brjóstahaldarann minn áðan  Þær eru farnar að áreita mann. Já  þetta er því miður fylgikvilli þess að búa uppvið fjöruna. Og ástandið hefur meirað segja verið verra en núna. Verð að fá mér eitthvað eitur eða eitthvað. Eitra fyrir þessum saurugu perrum!

Nú ætla ég að nöldra

Mikið ofboðslega leiðist mér. Var bara heima í dag. Fór í bað og keyrði próflaus með mömmu á nýja bílnum mínum til ömmu og afa og héngum þar í klukkutíma og spjölluðum. Það er samt ekkert mikið mál að keyra til ömmu og afa þar sem þau búa ekki einusinni í kílómeters fjarlægð. Það er fínt að fá keyra en mamma og pabbi eru alltaf að skamma mig fyrir glannaskap Fer nú að fara að taka fyrstu ökutímana mína von bráðar og ætla að klára þetta próf í einum hvelli.

Ég er ekki sátt með það að myndirnar í síðasta bloggi vilja ekki virka. Er búin að reyna að taka þær út og setja nýjar en það virkar barasta ekki neitt. Langar að hafa Tony og Jules sýnilega.

Ég er svo eirðarlaus og hef ekkert að gera að það er hræðilegt. Mannskemmandi. Mig langaði varla að fara á fætur í morgun bara því ég nennti því ekki þar sem ég vissi að ég hefði ekkert að gera nema láta mér leiðast og bíða eftir að deginum ljúki.  Ég þreif einhver föt af mér og hjálpaði mömmu og pabba að elda og las fyrir litlu systur mínar fyrir svefninn. Enginn er online á msn. Vill ekki einhver tala við mig?? Síðan á ég ekki eftir að geta sofnað í  nótt og verð þarafleiðandi illa út sofin í vinnunni á morgun. Allt því ég fór svo seint á fætur í dag. Vinnan er ágæt en maður verður algerlega heilalaus af þessari rútínu við kassann allan daginn. Engin fjölbreytni í þessu. Góðann daginn, BíP BíP BíP, hvað viltu marga poka? Takk fyrir. Og svo er þar sama aftur og aftur allan daginn.

Jákvæða hliðin á þessu öllu er að því leiðinlegra sem er í vinnunni því ánægðari verð ég þegar ég hitti fólk og fer á æfingu eftir vinnu. Aldrei jafn hressandi. Éghef engann tíma til að gera eitthvað eftir vinnu svo ég næ ekki að eyða peningunum mínum í vitleysu. En ég hef alltaf verið góð í að láta peninga hverfa sporlaust svo ég get kannksi ekki fullyrt svona snemma.

En HEY!! Bryndís og Sunna voru að hringja! Þær eru fyrir utan að bjóða mér á rúntinn!!! ÆÐI.. Ég elska ykkur stelpur *KNÚS*

Mig vantar mann... Sexy mann  hér eru tveir sem koma til greina

Julian Casablancas... Það er bara eitthvað við hann sem mér finnst ólýsanlega og óútskýranlega sexy. Síðan er hann með sexy rödd Hann lítur alltaf út fyrir að vera fullur eða bara útúr reyktur Það er samt ekkert verra.

Tony Kanal... Já ég hef verið soldið skotin í honum í nokkur ár. Hann er ótrúlega kynþokkafullur maður og góður bassaleikari. Jess hvað fleira get ég sagt? Hann er líkur mér og hefur gaman af því að fíflast. Það er sama hvað hann fíflast og lætur kjánalega. Hann er alltaf jafn sexy.

Mun líklega bæta við listann þegar ég man eftir fleirum. Allavega....  Tony og Julian. Ef þið eruð að lesa þetta... Call me

Með ástarkveðjum..... Eva :*

Ég er komin á fulla ferð að finna töff myndir Allt á kafi í brjáluðum litum og skrýtnu myndefni. Ég er alveg að fíla það í botn. Enda hef ég mikið yndi á töff myndum. Þið sem hafið ekki gert það ættuð að líta aðeins á veginn í herberginu mínu Vildi bara að ég gæti búið til svona myndir. Get allavega reynt. Þegar eitthvað gerist í þeim málum mun ég skella einni mynd eftir mig hérna! Anyways.. Kíktu í pretty myndir hérna til vinstri! Komin með nokkrar fínar sem mig langar að sýna þér sem ég fann hér og þar

Já góðan daginn gott fólk. Í dag var annar dagurinn minn í Bónus sem kassadama. Er með harðsperrur í handleggjunum eftir að renna öllu dótinu á ljóshraða yfir dótið sem skannar strikamerkin. Hver hefði trúað því að það væri hægt að fá harðsperrur eftir það?! Alveg ótrúlegt. Já 8 tímar standandi við kassa og setja heimsmet í að bjóða allskonar fólki góðann daginn. Svona mörg hundruð manns. Góðan daginn BÍP BÍP BÍP BÍP BÍP Takk fyrir.

Þessa vikuna verður vaknað farið að vinna, beint á æfingu og heim að sofa. Síðan verður partí, rokk og sukk á föstudagin mér til heiðurs Já stelpan bara orðin 18 ára. Ég fæ tattú í afmælisgjöf og ég held að þetta eigi bara eftir að vera alveg hið ágætasta afmælisboð Það vona ég allavega.

                                  

BÍP BÍP BÍP BÍP...... Thank you very much... Eva

Ég bað Jófó um að ráða drauminn minn og mér líst ekkert á það sem hún hafði að segja um merkingu þessa draums.

Dreymi menn að þeir taki inn  lyf, hvort heldur er til lækninga eða fíkniefni, hættir dreymandanum til að byggja sér loftkastala og dreyma dagdrauma og þarf að komast niður á jörðina.
Getur einnig verið fyrirboði fjárhagstaps og sultarlífs að taka inn lyf í draumi eða gefa einhverjum öðrum þau.

Breyti menn ekki lífi sínu á einhvern hátt munu þeir þurfa að kyngja ýmsu miður skemmtilegu ætli þeir sér að komast áfram í lífinu.

Hafi þér þótt myndin á veggnum vera falleg er hætta á að þú verðir göbbuð til að taka þátt í eitthverju sem gefur ekkert af sér.
Dreymandinn eyðir tíma sínum í að leita að hamingjunni en finnur hana ekki

Dreymi menn að vatn renni einhvers staðar þar sem það rennur yfirleitt ekki er það fyrir vandamálum

Jófó sagði:
Draumurinn boðar í heildina ekki gott. Margt sem þú ættir að endurskoða og hliðra til í lífi þínu svo betur megi fara. Setja hlutina og kanski þá sem eru í kring um þig í nýja forgangsröð. Annars er hætt á að það sem þú ert að hamast við að áorka verði að engu, jafnvel að fólk sem þú treystir geri þig að fífli. Fara að gera þér raunhæf markmið sem þú veist að þú getur..

Ég verð bara að fara eftir ráðum Jófó og passa mig að ekert slæmt gerist. Hvernig ætli það muni lukast hjá mér ? Ekkert að gera nema bíða og sjá hvað gerist

Mig dreymdi í nótt að ég hefði verið að fá mér lsd. Áhrifin voru sérstök. Þetta er það sem ég sá.

Ég stóð á löngum gangi í leikhúsi. Gangurinn var vínrauður og þrjár myndir héngu á veggnum í röð. Allt í einu breyttist veggurinn í himin sem ólgaði rólega og myndirnar þrjár sem héngu á veggnum héngu bara þarna í himninum á sama stað en bærðust til með vindinum. Síðan sá ég mjó vatnsgöng fljúga um í kringum myndirnar. Þetta var fallegt á sama tíma og það var hálf óhuggnarlegt.

Ætli allt verði svona þegar maður deyr? Engir veggir. Maður gengur bara í gegnum ólgandi himnatjald og sér eilífðina, ráfar um og fylgist með lífi þeirra sem eru enn lifandi. Ég veit það ekki. Mun komast að því einn daginn. Ekki á einhverju sýrutrippi í draumi. Kannski þýðir þessi draumur eitthvað...    Who knows?

             

***Sweet dreams *** .. Eva Rut  :*

Hello... Leitinni er lokið. Ég fékk vinnu á tveimur stöðum sama daginn. Eitt afþessu var samt bara svona bráðabirgða. Það var vinna í frístund í Álftanesskóla en það er svona barnagæsla fyrir krakka eftir skólann. Ég þyrfti að fara út að fylgjast með krökkum og að öllum líkindum lenda í grunnskólakrökkum með kjaft við mig. Mamma varaði mig við svoleiðis óþekktarormum. Hún vinnur þarna líka en þetta er ömurleg og illa borguð vinna. Þessvegna var ég yfir mig ánægð þegar ég fékk símtal frá Bónuskonunni og ég boðuð til vinnu á mánudaginn. Ég er samt ansi hrædd um að eiga eftir að klúðra öllu og gera eitthvað bandvitlaust. Vona ekki. Síðan sá ég stelpu vera að vinna þarna sem ég hef þekkt í gegnum árin. Og það er ekki svo kúl því þetta er ein af manneskjum sem hefur gert mér lífið leitt og ég hélt að ég þyrfti ekki að sjá hana aftur. Sökkar. En ég læt það ekki á mig fá, það væri bara fáránlegt. En þetta þýðir að nú get ég loksins farið að taka þetta bílpróf. vííí nenni samt ekki í ökutíma

Blehhh.....

Afhverju verður mér illt í augunum þegar ég er í tölvunni? Sökkar Jess.. Nóttin var hræðileg. Ég gat ekki sofnað, síðan loksins þegar ég sofnaði þurfti ég að vakna á hálftíma fresti þangað til ég fór á fætur og las andrés blað, henti litlu systur inní pappakassa og velti henni út um allt gólf sem henni þótti voða gaman. Hehe.. Alltaf hressandi að láta troða sér oní kassa og snúa manni á hvolf og geta ekkert gert Brynja bað mig um að kíkja til sín í Bónus og sækja um vinnu þar sem hún hafði sterkan grun um að það væru laus störf í boði. Nennti ekki að fara. Verð að gera eitthvað í þesum málum á morgun. Væri alveg ágætt að vinna með henni held ég bara.

Hér kemur háskasaga kvöldsins
Ég þurfti að fara á æfingu með 6 strætó og þar sem pabbi er svo umhyggjusamur gaf hann mér þúsundkall svo ég fengi nú eitthvað í svanginn þar sem ég væri ekki heima í kvöldmat. Ég var að verða sein í strætó og greip seðilinn af skrifborðinu og hélt á honum á meðan ég skokkaði út í strætóskýli. Þegar ég var hálfnuð út götuna fattaði ég að ég hlaut að hafa misst peninginn þegar ég var að setja hann í vasann en hafði ekki tíma til að hlaupa og leita að honum svo ég hringdi í mömmu og bað hana um að hlaupa út og reyna að bjarga aleigunni fyrir mig. 5 mínútum seinna hringdi hún og sagði mér að hún hefði heyrt í peningnum fjúka inní runna og náð honum! Alveg ótrúlegt hvað konan heyrir vel hún á sko skilið hrós Ég fékk peningin dýrmæta og keypti mér tvister á KFC með Bigga því enginn vildi kaupa pizzu með mér. Hjalti gaf mér samt sneið af sinni pizzu Takk Hjalti



Teknar voru upp trommur og gítar og hlustað á spurningakeppni í útvarpinu og Biggi vann veðmál þar sem Borgó vann og er nú 5000 kr ríkari. Heppinn Þetta er nú flest allt fyrir utan það að ég sofnaði næstum því í sófanum en ákvað síðan að vera vakandi þegar ég heyrði einhvern vera að tala um að prumpa á mig Ekki sátt með svona lagað. Hinsvegar sagði ég þeim frá barnabókinni "Hver kúkaði á hausinn á mér" sem ég sá í bókabúð einusinni. Skrýtin bók Mikið var hlegið og grínað í kvöld og góð stemmning að venju. Ekki sátt við það að þetta sé annað skiptið í röð sem Garðar mætir ekki og að Hjalti hlaupi út og maður varla nær að segja bæ. Jæja vonandi verða þessir hlutir í lagi next time

Bubbye!!!!! :* Kv. Eva Slef

Halló hér. Hann Biggi félagi minn var að segja mér hvað bloggið mitt væri sorglegt. Því það eru bara tvö komment og enginn virðist lesa þetta og ég blogga ekki nógu mikið. Ég hafði hugsað mér að skrifa um atburði daginn þar sem ég hafði ekkert betra í huga en ákvað síðan að sleppa því þar sem minn dagur var frekar óspennandi fyrir utan góða stund með hljómsveitinni. Nú voru góð ráð dýr... Ég bað Bigga um að koma með umræðuefni handa mér. Hann var fús til þess en hugmynd hann aðeins í öðruvísi kantinum   Ég ákvað að fara að ráðum hanns. Afhverju ekki að skrifa eitthvað um vin sinn?! Takk fyrir skemmtilega hugmynd Biggi. Þetta blogg er þessvegna tileinkað þér. Allir hafa gott af því að gefa og þiggja hrós frá hvorum öðrum.

Já hann Biggi er góður félagi minn og hljómsveitameðlimur. Við eyðum saman ásamt Eika, Jóni, Garðari og Hjalta mörgum klukkustundum á viku uppí okkar dýrindislega æfingahúsnæði. Alltaf er andrúmsloftið gott. Hann Biggi er hress og góður trommari sem stendur sig frábærlega í sínu fagi. Hann lifir heilbrigðu lífi svo langt sem ég veit og er góður félagskapur og gaman að tala við. Hann er pínu stríðinn og hefur gaman af því að skjóta hárteygjum í mann og getur stytt manni stundir þegar manni leiðist. Ég var að spila við hann í dag olsen olsen sem var æðislegt því ég vann hann og síðan skít tapaði hann í veiðimann sem var líka mjög hressandi! Hann hefur bjargað mér þegar ég hef verið föst í bænum og leyfði mér að koma með ælandi vinkonu mína með í bílinn gegn vægu gjaldi Já síðan er hann líka með þessa fínu bloggsíðu þar sem hann skrifar hvað á daga hans hefur drifið. Hann er duglegur að blogga og maður getur næstum alltaf bókað að ef manni leiðist þá er hann búinn að blogga eitthvað síðan síðast og búinn að skapa lesefni fyrir eirðarlausa.

Takk Biggi.. Þú ert dásamlegur

Ef fleiri eru með hugmyndir af umræðu efni þá er minnsta mál að skoða tillögur. Innihaldsríkari umræðuhugmyndir væru samt vel þegnar. Fjölbreytni er góð

Takk Takk.. Eva :*

Jæja... Nú er ég komin aftur á heimaslóðir. Ekkert búin að tannbursta mig í 2 daga og ég er búin að vera líka í sömu nærbuxunum í 2 daga Uss ekki segja. Ekki það að ég sé svona óþrifin manneskja samt. Bara fattaði ekki að taka með mér tannbursta og auka næbbur. En eins og allar aðrar helgar veit ég aldrei hvað ég ætla að gera eða hvað. Fer alltaf á æfingu og oftast á Boomkikker eftir það með henni Brynju minni á föstudagskvöldum.

Þetta föstudagskvöld mætti ég uppí æfingabælið og plantaði mér niður í einn af sófunum eins og venjan er þar sem talað var um hitt og þetta en aðallega sálræn vandamál. Fátt annað komst að og við hvorki æfðum nér tókum upp. Reyndar missti ég af þem parti þar sem ég mætti seint. En hvað um það... Ég fór uppí Bitabæ og átti stefnumót við Brynju.
Sjoppan var full af blindfullum 9. bekkjarhnökkum Garðaskóla og ég litaðist um hugsandi hvort litla systir mín væri á staðnum hvað þá í þessum félagsskap Þannig standa málin að við systurnar erum mjög ólíkar. Hún er litla barnið 3 árum yngri en ég.
Ég hélt ég hefði alað hana allavega eitthvað upp og kennt henni að bera virðingu fyrir fólki sem er ekki eins og hún. T.d.krökkum sem líður hugsanlega ekkert rosalega vel og sker sig úr hópnum en hún systir mín er eins og flest skólasystkini hennar í Garðaskóla, er grunnhyggin, er á hámarki gelgjunnar, er algert merkja/tískufrík og fylgir bara straumnum og leyfir ölum að gera sogbletti á sig og segir að heni hafi verið haldið niðri og ekert getað varist.
Tilgangur hennar lífs er að vera vinsæl og sæt og að fylgja straumnum. Hún líkist fólkinu sem kastaði rusli í mig, hótaði mér barsmíðum og kallaði mig ýmsum illum nöfnum fyrir það eitt að finnast flottara að vera með gaddaólar og svart hár og bleikt hár og að nota rauðann varalit og svo framvegis. Ég var allt það sem 90% af skólanum var ekki. Ég var samkvæm sjálfri mér án þess að vita af fólkinu í kringum mig þegar þau voru ekki að áreita mig á ein hátt eða annan.
Hvað á ég að gera í þessari ráðvilltu systur? Ég er alltaf að reyna að kenna henni eitthvað um lífið og siðferðiskennd og að taka fólki eins og það er án fordóma. Fólk er bara fólk þótt það sé í minnihlutahópi. En henni finnst mikilvægara að vera vinsæl og eiga milljón vini sem eru síðan þegar allt kemur til alls ekki vinir í raun. Ég veit því hún segir mér allt. Húner bara kjáni og túlkar hlutina ekki rétt en vill ekki trúa mér að ég þekki allar þessar týpur. Vona að hún eigi ekki eftir að enda illa..

Ég ætlaði ekkert að fara að blaðra um systur mína en hvað um það.. Hvað er málið með lítil systkini að vilja ekki hlusta á mann?! I just want to help!

Góða nótt góðir hálsar...

Það mætti segja að ég sé búin að gefast upp. Þrátt fyrir að hafa verið staðráðin í að vera komin með vinnu fyrir mánaðarlok. Og ætlaði að huga að atvinnuleitinni á hverjum degi. Jú ég var á fullu í seinustu viku og á mánudaginn. Afhverju vill enginn ráða mig í vinnu. Þetta er fáránlegt. Lít ég út fyrir að vera aumingi? Gengur mér svona illa í viðtölunum? Er það því ég er 18 ára og hef hvergi unnið neinsstaðar nema í bæjarvinnunni. Fólk er alltaf að leita að fólki með reynslu. Hvernig á maður að fá reynslu þegar enginn vill ráða mann?! Þetta sökkar.

Ég hef varla farið út úr húsi í vikunni nema rétt svo á æfingar... Eða öllu heldur upptökur. En ég hef engu hlutverki að gegna þar. Jú svo sem. Ég er náttúrulega bassaspassinn sem gerir ekkert nema láta sýru vella útúr mér út í eitt og sofna uppí sofa og meika ekki sense. Ég hlakka til þegar ég fæ eitthvað að gera og við byrjum aftur að æfa. Upptökurnar eru ágætar enekkert nálægt því að vera að spila. Það er æði. Ég ætla að halda upp á afmælið mitt 28. janúar uppí húsnæðiu og ég krefst þess að það verði rokkað! Hehe hvað annað.. Öllum bestustu bestu vinum mínum er boðið vííí!!

Mig langar samt ekkert rosalega að eiga afmæli. En ætli það sé ekki ágætt að verða 18 ára, halda veislu og hætta síðan að fullorðnast. Ég held það bara.
Það er föstudagur og ég vaknaði í morgun klukkan 7 varla búin að sofa neitt. Er að passa Birtu systir sem er búin að vera lasin og ég má ekki sofna Nú er hádegi. Við Birta erum búnar að horfa á Pétur Pan.. Alla myndina án þess að sofna! Ótrúlegt. Ég er að hugsa um að flytja til Hvergilands. þá þarf ég ekki að fullorðnast. Bý bara með Pétri og týndu drengjunum og berst við sjóræningja og lendi í ævintýrum og fæ að fljúga. Hljómar vel hvernig ætli tilfinningin sé að geta flogið og hoppað á skýjum.. Ég gæti líka prófað að droppa sýru.. Kannski það komi næst tilfinningunni að fljúga.

Nei annars. Þori ekki. Síðan er ég pínu lofthrædd. Finnst óþægilegt að standa uppvið stóra glugga á 10 hæða húsi. Ég kúkaði næstum því í buxurnar í parísarhjólinu í tívolíinu í sumar. Það er samt meira hræðslan við stórslys. Ég var hrædd umað skrúfurnar væru ryðgaðar og gamlar og tækið myndi bara hrynja í sundur. Uppí glugganum er ég hrædd um að einhver hrindi mér í gegnum glerið og svo framvegis og svo framvegis. Þegar ég er heima hjá mér og það er brjálað veður og ég heyri í öldunum gusast yfir varnargarðinn óttast ég að það komi risastór alda og brjóti húsið og ég kremst undir. Síðan vakna ég og það er í lagi með húsið en gatan öll í þara og ógeði. Er eðlilegt að vera alltaf með svona fáránlegar hræðslur um að eithvað slæmt muni gerast? Ég veit það ekki.

Jæja nóg komið. Farin að borða popp með Birtu og kannski næ ég að sofna pínustund. Ef ekki... Þá vona ég bara að ég lifi daginn af. Ég ætti samt að geta sofnað. Stelpan er með einhverja hundleiðinlega spólu í tækinu. Jónas í hvalnum Jæja. Bæjó! ZZZzzzzZZZZZzzz

Yeah.. Ahh svaf út. Fékk mér pepsi og vínber og te í morgunmat yfir fréttablaðinu og tók til í öllu húsinu. Ég tók úr uppþvottavélinni, setti í hana, raðaði skónum í forstofunni, þreif klósettið vaskinn, spegilinn, ryksugaði alla neðri hæðina og tók til í herberginu mínu!! Allt þetta gerði ég á svona klukkutíma. Mamma kom heim yfir sig ánægð og pabbi líka þegar hann kom heim. Ahh Búin að vinna mér inn punkta hjá fólkinu og búin að húka í tölvunni í svona 5 tíma. Ég er ekki einusinni viss hvort að það sé hægt að segja að ég sé ekki letingji. Ég er bara í risastórum stuttermabol og ljótum íþróttabuxum og það er komið kvöld.

Eiki og Jófó buðu mér í pizzu en ég ákvað að vera heima þar sem ég hef ekki verið í mat heima lengi og mamma bað mig um það. Maður fær það samt soldið á samviskuna að beila svona Sérstaklega þar sem Jófó var búin að vera að hjálpa mér að strögglast við eitthvað html vesen á öðru bloggi sem ég gafst síðan upp á.

Allavega.. Upptökur á morgun og ég veit ekki meira hvað gerist eftir daginn í dag nema það. Kannksi fæ ég símtal frá einhverjum af stöðunum þar sem ég hef verið að sækja um vinnu. Ég vona að það fari eitthvað að gerast sem fyrst í þeim málum. Annars get ég bara farið að vinna við ræstingar, Stóð mig allavega afbragðs vel í þeim í dag

Seinna :*

Loksins er ég komin með bloggsíðu sem ég ætla að halda. Ekkert vesen lengur. Þetta er algerlega idiotproof. híhí. Gaman gaman. Efir að hafa verið að blogga á fólk.is og blogger.com og mikið vesen benti Biggi mér á þetta. Nú er ég búin að setja myndir og linka og fallega liti og allt það sem ég gat ekki gert á hinum síðunum. Þá er bara spurning hvort ég sé nokkuð bara glataður suckass bloggari. En... ...það þarf enginn að lesa gegn vilja sínum svo ég held að það skipti ekki svo miklu máli Síðan ef þetta er alveg hræðilegt þá er bara hægt að fara á eitthvað annað. Um nóg að velja

Takk Takk.. Kv. Eva