Í tilefni nýs árs þykir mér sjálfsagt að endurnýja ýmislegt fleira heldur en ártalið. Ég ákvað að taka málið í eigin hendur og byrja á að endurnýja svolítið sem mér þykir orðið heldur gamalt. Svo ég samdi nýja byrjun á Strumpaþáttunum. Enda löngu kominn tími til. Allir löngu komnir með leið á þessu gamla. En hér er nýja byrjunin á strumpunum eftir mig.
_________________________________________________________________________

Kjartan: Ég hata strumpa!
Kötturinn hans: Mjááá!!!!
Strumparnir: Ahhh hvert í strumpandi! Kjartan er að koma!
Kjartan: Ég skal sko ná ykkur öllum! HAHAHA!

Hrekkjastrumpur: Æðstistrumpur, Æðstistrumpur ég er með gjöf handa þér HAHAHA! (hlær heimskulega og réttir Æðstastrumpi pakka)
Æðstistrumpur: Þakka þér kærlega Hrekkjastrumpur.
*opnar pakkan sem springur*
Hrekkjastrumpur: Hahahahah (hlær ennþá heimskulega)

Gáfnastrumpur: Sagði ég ekki?
*Gáfnastrumpur flýgur á hausinn*

*Strumpalagið spilast*
duruddurudduru duruddurudduru....

Jæja, núna er komin niðurtalning í afmælið mitt eins og sumir hafa kanski rekið augun í. Ekki það að mig hlakki eitthvað rosalega til en 20 ár er víst stórt afmæli og allir eru alltaf að segja mér að eitthvað verði ég að gera til að halda upp á það.
Hvað það gæti verið get ég ekki hugsað mér, og hvort ég eigi að bjóða einhverjum að halda uppá það með mér.... Og hverjum myndi ég þá bjóða? En eitt er víst að ég ætla að hafa þessa niðurtalningu í gangi og hver veit hvort að einhverjir aðrir en mamma og pabbi og amma og afi eiga eftir að muna eftir því og óska mér til hamingju með daginn. Annars get ég ekki áfellst neinn sem man ekki eftir afmælinu mínu því sjálf man ég enga afmælisdaga. 

Hef verið mikið andvaka síðustu nætur. Eða eiginlega bara allan desember. Þá gerir maður ýmsa hluti í andvökunni og um dagin rifjaði ég m.a. upp nokkra hressa brandara.

Allir krakkarnir horfðu á kirkjuna brenna nema Hermann. ..Það var að ferma hann!

Allir krakkarnir fengu að ríða nema Sunna ...Hún var nunna!

Allir krakkarnir fóru út að leika nema Þráinn ...Hann er dáinn!

Allir krakkarnir voru duglegir í ræktinni nema Hera ...Hún notar stera!

Allar stelpurnar áttu kærasta nema Ýr ...Hún er hýr!

Allir krakkarnir voru með gel í hárinu nema Hrund ...Hún notar brund!

Þetta er allt sem ég man núna endilega bæta við fleirum ef þú manst eitthvað

Fyrir þá sem langar að gefa mér yndislega jólagjöf þá er nákvæmlega þetta hérna draumá-úrið mitt í nákvæmlega þessum lit..   svo fallegt úr að ég gæti dáið..

Jæja eru ekki allir í stuði.. Er þetta ekki kynþokkafull skepna?!  Ég  held það nú bara!! Allavega.. Be hress!

Nú var ég aðeins að spá í kvikmyndaskoðun. Samkvæmt upplýsingum sem ég var að lesa eru 6 manneskjur sem sjá um kvikmyndaskoðun hér á landi og sjá um það að horfa á og skoða myndir og setja síðan aldurstakmark við hæfi eða banna myndir ef þær þykja of grófar, ofbeldisfullar eða klámfengnar.

Er ekkert svona gert við bækur. Bókaskoðun? Ég man ekki eftir því að hafa einvherntíman heyrt um það að börn megi ekki lesa ákveðnar bækur. Aldrei hef ég vitað til þess að bækur séu bannaðar innan 12 ára eða 16 ára..

Veit einhver hvort það sé til eitthvað svona eftirlit eða skoðun á bókum því mig langar mjög mikið að vita það.

Ég ákvað að skrifa hérna eina ferðina enn.  Fólk er alveg hreint að commenta á fullu og skrifa í gestabókina **HÓST! EKKI** mér til fögnuðar.  Ég krefst þess að þeir sem koma hérna við mega alveg segja hæ í það minnsta og láta heyra í sér!

Annars leiðist mér bara frekar þessa daganna. Alltaf þreytt og ógeðsleg. Ekki nógu dugleg í skólanum og er bara hrikalega löt. Var að fatta að ég er búin að trassa nokkur verkefni. En ég ákvað að segja hingað og ekki lengra! Nóg komið af leti. Svo ég vann upp nokkur verkefni í morgun og var rosa dugleg og ætla mér að reyna að halda því áfram því það er svo kúl. Síðan stefni ég á að verða uppáhalds nemandi allra kennaranna og fá 10 í öllu.´

Héðan í frá ætla ég líka bara að skrifa hundleiðinleg blogg eins og þetta þangað til fólk fer að verða skemmtilegt!

BÆ

Jee.. Hérna er alveg kreisí mothafucka töffness vefur sem ég er búin að vera að búa til.. Jeeee !!!

http://www.mm.ir.is/Nemendur/2006H/196034/index.html

Miðvikudagur

Á morgun er próf í fagi sem heitir ljós og litafræði. Þetta umrædda fag fer ég í einusinni í viku og þannig er nú bara það að ég hef ekkert skilið í þessu fagi frá fyrstu kennlustundinni. Og það vill svo skemmtilega til að á morgun er einmitt próf í ljós og litafræði. Og ég er ekki byrjuð að læra. Þótt það sé ekki mikið sem ég þarf að fara yfir. Densití og rastatíðni og fullt af hugtökum sem ég man ekki hvað heita.. Heví stuð .. Samt fyndnast kennari í heimi sem kennir þetta. Hann er frábær en ég skil samt ekkert hvað hann er að tala um... Samt virðist sem allir hinir nemendurnir kunni þetta alveg. Nema litla Eva. Greyið ég..

Nóg komið af væli.. Ég er farin að horfa á sjónvarpið.. Og svo náttúrulega læra fyrir prófið þegar ég er búin að læra hvernig ég á að líta vel út nakin sem verður kennt í þættinum How to look good naked á skjáeinum sem engin kona má missa af..

Síja!

Mér datt í hug að setja inn smá umfjöllun um sýninguna Pakkhús Postulanna sem ég fór á um daginn með skólanum en þessari sýningu lauk núna um helgina og fannst mér hún bara frekar athyglisverð.

Í Hafnarhúsinu í Reykjavík er í gangi sýning sem ber titilinn Pakkhús Postulanna sem vísar til reif-tímabilsins á síðasta áratugi fyrir aldamót. Sýningin samanstendur af verkum eftir 11 listamenn sem allir eru fæddir eftir árið 1968 og voru þáttakendur í þessarri neðanjarðar partí-menningu. Markmið þeirra er að ná fram stemmningunni sem ríkti á þessu tímabili reifsins og tekst þeim flestum vel til með gjörningum og innsetningum sínum.

Verkin eru sýnd í 4 sölum og blandast verkin saman á skemmtilegann hátt og næst fram verulega sérstök stemmning í verkunum þegar tvennskonar verk spila saman og búa til eina heild þá sérstaklega í innsetningunum.

Ég byrja á því að ganga framhjá ógeðslegum skúlptúr sem lekur niður úr loftinu og hugsa með mér að þarna hafi hugsanlega einhver tekið of stórann skammt og bókstaflega sprungið í loft upp með viðeigandi subbuskap og ég ákveð að ganga lengra inn í salinn áður en eitthvað lekur í hárið á mér.

Þar kem ég að spýtnahrúgu sem er þegar nánar er athugað veggir og tjald úr leikhúsi sem virðist hafa fallið saman og ber verkið nafnið Stúka Hitlers. Því miður vakti þetta verk ekki áhuga minn né hafði nein áhrif á mig og í fyrstu áttaði ég mig ekki á því að þetta væri hluti af sýningunni heldur hélt bara að þarna væru einhverjar framkvæmdir í gangi óháð Pakkhúsinu.

Eitt af athyglisverðari verkum á sýningunni að mínu mati eru verk Sirru Sigrúnar og Ásdísar Sifar sem eru tvær vídjó innsetningar í stærsta salnum.

Þegar ég geng inn í myrkvaðann b-salinn finn ég samstundis fyrir verkinu.

Þetta er eins og að mæta á staðinn rétt eftir að partíinu lauk. Samt var þetta ekki endilega partí. Þarna liggja brotin sjónvörp, sjónvörp sem spila myndbönd sem áttu sér stað áður en partíð byrjaði. Náttúrumyndband og á veggjunum er verið að varpa svarthvítu og flöktandi myndbandi. Ég heyri þegar verið er að splundra sjónvörpunum og síðan heyri ég annað hljóð sem minnir á það hvernig það er að vera inni í helli.

Ég tel markmiði Ásdísar hafa verið náð að fullu frá þeirri sekúndu sem varð hluti af því. Ég fann að ég varð umkringd video-draugunum hennar úr fortíðinni og þarna var eitthvað á seyði.

Sýningin fékk mig til að líða eins og ég væri komin á tímabil reifsins.

Í heildina er sýningin mjög áhugaverð og örugglega einkar skemmtileg fyrir þá sem muna eftir reifinu.

Eva Rut

Mér er alltaf að detta í hug að skrifa einhver sniðug blogg.. En ég einfaldlega nenni því ekki því ég er að farast úr leti.

Ég fór ásamt Bigga til Akureyrar síðustu helgi... Í flugvél!! Og ég varð ekkert hrædd í flugvélinni Sem er geggjað kúl. Þar gistum við heima hjá Eika og Jófó og 2 sonum þeirra. Miklum tíma var eytt niðrí kjallara með rafmagnstrommusett, gítar og bassa og eitthvað var drukkið af skrúdræver sem er það vinsælasta hjá unga fólkinu í dag. Slappað af og næsheit bara.

Síðan eru fleiri kreisí hlutir sem hafa gerst sem ég ætlaði alltaf að skrifa um en gerði það ekki því ég bara nennti því ekki.

Bæ

Elska þennan gaur

Sá sem verður gestur númer 11.000 á þessa síðu fær ókeypis kók ! vúúúúú!!!

Þetta er allt að gerast! Draumur minn um að verða ekkivídjóblogg heldur venjulegtbloggstjarna íslands verður kansi að veruleika eftir allt saman!! OMG!

Ég verð rík!

Mér líður furðulega. Ég vildi að það væri árið 2005 aftur. Eða að þetta ár gæti byrjað uppá nýtt. Eða eitthvað .Ég hefði geta gert þetta allt öðruvísi. Allt er svo skrýtið.

Don't ask...